रुसी सेनामा थप एक नेपालीको मृत्यु

पोखरा । रुसी सेनामा थप एक जना नेपालीको मृत्यु भएको छ ।

रसुवा नौकुण्ड गाउँपालिका– ५ का ३२ वर्षीय सुन्दर मोक्तानको रुस–युक्रेनको युद्धमा परी मृत्यु भएको हो ।

गत भदौमा रुसी सेनामा भर्ती हुन पुगेका उनको मृत्युको खबर गत पुस १२ गते परिवारलाई आइपुगेको थियो । मृतक मोक्तानसँगै रुसी सेनामा पुगेका साथीहरुले परिवारलाई उनको मृत्युको खबर पठाएका थिए ।

त्यसपछि तीन दिन अघिमात्र रुसबाट उनको मृत्युको फोटोहरु आएको बताइएको छ ।

मृतक पूर्व नेपाली आर्मी हुन् । उनको घरमा श्रीमती, आमा एक छोरा र एक छोरी छन् ।