सुर्खेत – नलगाड नगरपालिका–८, जिकुवास्थित पञ्चभयार माध्यमिक विद्यालयका केही शिक्षकहरू विद्यालय खाली राखेर जन्तीमा गएको पाईएको छ । प्रधानाध्यापक का दाजुको छोराको बिहेका लागि प्रअ नरेन्द्र कुमार केसी र अन्य केही शिक्षक नेपालगञ्ज पुगेका हुन्।

एक स्थानीयले नाम नखुलाउने सर्तमा जानकारी दिँदै भने, विद्यालयमा ११ जनाको दरबन्दी रहेको र हाल ५ जना मात्रै शिक्षक उपस्थित भएको बताए । यसपालि प्रअ र केही शिक्षक विद्यालय छाडेर बिहेको जन्तीमा गएका छन्।

स्थानीयका अनुसार विद्यालय कार्तिक २५ गते खुले पनि शिक्षकहरू २४ गतेदेखि नै मेला महोत्सव र बिहेका कार्यक्रमहरूमा व्यस्त थिए। ूविद्यालयभन्दा शिक्षकलाई मेला प्राथमिकतामा परेको छ। प्रअसहित केही शिक्षक जन्तीमा गएपछि हाम्रो भाइबहिनीको भविष्य डामाडोल हुने भयो, उनले गुनासो गरे।

यस विषयमा प्रअ केसीले आफू र अन्य दुई शिक्षक बिहेमा गएको स्वीकार गरेका छन्। बिहेमा नगई नहुने बाध्यता भएकाले गएका थियौं। विद्यालयमा अन्य शिक्षक उपस्थित हुनुहुन्छ। आजै नेपालगञ्जबाट फर्किएर भोलि हाजिर गर्छौं, उनले प्रतिक्रिया दिए।

उनका अनुसार विद्यालय व्यवस्थापन समितिको बैठकले जन्तीमा जान अनुमति दिएको थियो। विद्यालयमा ११ जना कर्मचारी कार्यालय सहयोगी सहित कार्यरत छन् भने ४८१ जना विद्यार्थी अध्ययनरत छन्।

शिक्षकको गैरजिम्मेवारी प्रति स्थानीय आक्रोश

स्थानीयहरूले शिक्षकहरूको यस्तो व्यवहारले शिक्षाको गुणस्तरमा गम्भीर असर पर्ने चेतावनी दिएका छन्। विद्यार्थीहरूको पठनपाठन प्राथमिकता हुनुपर्ने हो, तर यहाँ शिक्षकहरूले जिम्मेवारी भुलेका छन्, स्थानीयहरूको आरोप छ।

घटनाले शिक्षाको महत्त्वप्रती गम्भीर प्रश्न खडा गरेको छ भने जिम्मेवार निकायको ध्यानाकर्षणको आवश्यकता देखिएको छ।