रौतहटको चन्द्रपुर नगरपालिकास्थित पूर्वपश्चिम राजमार्गमा मंगलबार बिहान भएको स्कार्पिओ दुर्घटनामा आठ जनाको ज्यान गएको छ। बा १६ च ३१६२ नम्बरको स्कार्पिओ अनियन्त्रित भई सडक किनारको रुखमा ठोक्किँदा सिराहा जिल्लाको अर्नामा गाउँपालिका–३ बंठियाटोलका आठ जनाले ज्यान गुमाएका हुन्।

मृतकहरूको पहिचान:

लरुवती देवी महरा (६०)
उर्मिला महरा (३०)
रामकुमारी महरा (५०)
महगीं देवी महरा (५५)
फुलमन्ती देवी चमार (६२)
रामकुमारी देवी महरा (६०)
सकुन्तला देवी महरा (३०)
स्कार्पिओ चालक श्रीकुमार यादव (४०)
दुर्घटनामा अन्य पाँच जना घाइते भएका छन्, जसमा राधा राम, आर्यन राम, देवकुमारी महरा, रितिक महरा, र कन्यादेवी महरा रहेका छन्। उनीहरूलाई उपचारका लागि वीरगञ्ज पठाइएको छ।

स्कार्पिओमा गढिमाई दर्शन गरेर घर फर्किंदै गरेका १३ जना सवार थिए। घाइतेको अवस्था गम्भीर रहेको र मृतकहरूको शव चन्द्रनिगाहपुर अस्पतालमा पोस्टमार्टमका लागि राखिएको प्रहरीले जनाएको छ।