मिसईन्टरनेशनलकाे तयारीका लागि जापान जाँदै प्रसिद्धि शाह

जब कोही देशको सिमाना बाहिर जान्छ, उसले राष्ट्रियताको प्रतिनिधित्व गरेको हुन्छ । अक्टोबर २६ मा जापानको टोकियोमा हुने मिस इन्टरनेसनलमा प्रसिद्धि शाहसँग निजी नाम हुनेछैन । स्टेजमा उनलाई ‘नेपाल’ नामले बोलाइनेछ । यो दबाब र आत्मविश्वासबीच मिस नेपाल इन्टरनेसनल प्रसिद्धिले अन्तर्राष्ट्रिय संस्करणको तयारी गरिरहेकी छिन् । अक्टोबर २६ मा जापानले ६१ औं मिस इन्टरनेसनल २०२३ को फिनालेको आतिथ्यता गर्दैछ । जसमा सहभागी हुन प्रसिद्धि मंगलबार टोकियोतर्फ प्रस्थान गर्दैछिन् ।