ओमानको नीज्वा इज्की रोडमा गत आइतबार भएको कार दुर्घटनामा दुई नेपाली नागरिकको मृत्यु भएको छ। राजधानी मस्कटस्थित नेपाली दूतावासका अनुसार दुर्घटनामा ज्यान गुमाउनेमा रूपन्देहीको तिलोत्तमा नगरपालिका निवासी नरबहादुर सारू र झापाकी समिता बुढाथोकी छन्।

दूतावासका अनुसार कार नरबहादुर सारुले चलाइरहेका थिए, र एक्कासि अनियन्त्रित भएर दुर्घटना हुँदा दुवैको घटनास्थलमै मृत्यु भएको हो। नरबहादुर सन् २०१८ देखि अल सीर कम्पनीमा मर्चनडाइजरको रुपमा कार्यरत थिए भने समिता दुई वर्षअघि मात्र ओमान गएकी थिइन् र वारदात अल साब अलधब्या हिना एन्ड ब्युटी सेन्टरमा हेयर स्ट्यालिस्टको रुपमा काम गर्थिन्।

दूतावासले कानूनी प्रक्रिया पूरा गरी नरबहादुर सारुको शव नेपाल पठाइसकिएको र समिता बुढाथोकीको शव पठाउने प्रक्रिया अन्तिम चरणमा रहेको जानकारी दिएको छ।