सुर्खेत – सन नेपाल लाइफ इन्सोरेन्स कम्पनी लिमिटेड कर्णाली प्रदेश शाखा कार्यालय सुर्खेतले आफ्नो सातौँ वार्षिक उत्सवको अवसरमा विभिन्न समाजसेवी गतिविधिहरू गरेको छ।

कम्पनीले स्थानीय समुदायसँग मिलेर लेकबेसी वडा नम्बर १० स्थित श्री चन्द्रज्योति माविमा गरीब, असहाय, अशक्त, अति विपन्न र जेहनदार छात्र-छात्राहरुलाई शैक्षिक सामग्री वितरण गरेको छ। यो कार्यक्रममा स्थानीय अभिभावक र वडा अध्यक्ष प्रशुराम भण्डारीको अध्यक्षतामा, प्रधानाध्यापक लोकप्रसाद ढकाल, तथा सिनियर मार्केटिङ मेनेजर डम्मर मान श्रेष्ठको सहजिकरणमा सम्पन्न भएको थियो।

सुर्खेत सन नेपाल लाइफ इन्सोरेन्स शाखा प्रबन्धक गगन राणाका अनुसार, मार्केटिङ म्यानेजर र सिनियर मार्केटिङ म्यानेजरको उपस्थितिमा कार्यक्रम सम्पन्न गरिएको हो।

यसैबीच, कम्पनीले शनिबार बुलबुलेमा वर र पिपलका वृक्षहरू रोप्ने वृक्षारोपण कार्यक्रम पनि आयोजना गरेको छ, जसले वातावरण संरक्षणमा योगदान पुर्याउने लक्ष्य राखेको छ।