सुर्खेत – मंसिर १६ गते हुने स्थानीय तह उपनिर्वाचनका लागि आज देशभर ३८ वटा निर्वाचन अधिकृतका कार्यालय स्थापना गरिएको छ।

निर्वाचन आयोगका अनुसार, ३२ वटा मुख्य निर्वाचन अधिकृतको कार्यालय र ६ वटा निर्वाचन अधिकृतको कार्यालय स्थापना गरिएको हो। यी कार्यालयहरू सम्बन्धित स्थानीय तह तथा वडाको केन्द्र रहेका स्थानमा स्थापना गरिएको आयोगका प्रवक्ता नीता पोखरेल अर्यालले जानकारी दिइन्।

निर्वाचन कार्यक्रम मंसिर २ देखि ५ गतेसम्म सञ्चालन हुनेछ। मंसिर २ गते उम्मेदवारहरूको मनोनयन दर्ता हुनेछ भने मंसिर ५ गते उम्मेदवारहरूको अन्तिम नामावली प्रकाशन गरी निर्वाचन चिह्न प्रदान गरिनेछ।

मंसिर १६ गते आइतबार बिहान ७ बजेदेखि अपराह्न ५ बजेसम्म मतदान हुनेछ। आयोगले निर्वाचनका लागि आवश्यक सबै तयारी पूरा भइसकेको जनाएको छ।