सुर्खेत – रुकुमपूर्वको पुथाउत्तरगङ्गा गाउँपालिका वडा नं. २ को उपनिर्वाचनमा नेकपा माओवादी केन्द्रले विजय हासिल गरेको छ। कांग्रेस र एमालेको तर्फबाट उम्मेदवारी दिएका उम्मेदवारले उम्मेदवारी फिर्ता लिएपछि माओवादी केन्द्रका उम्मेदवार जगत घर्ती निर्बिरोध निर्वाचित भएका हुन्।

माओवादी केन्द्रका केन्द्रीय सदस्य तथा प्रतिनिधिसभा सदस्य पूर्णबहादुर घर्तीले जगत घर्तीको निर्विरोध विजयको जानकारी दिएका छन्।

निर्वाचन आयोगले उपनिर्वाचनमा मनोनयन दर्ता गरेका उम्मेदवारलाई आज उम्मेदवारी फिर्ता गर्न समय दिएको थियो। यसै क्रममा एमाले उम्मेदवारले उम्मेदवारी फिर्ता लिएपछि माओवादी केन्द्रका घर्ती निर्विरोध विजयी भएका हुन्।

यो जितसँगै माओवादी केन्द्रले स्थानीय तहको उपनिर्वाचनमा आफ्नो उपस्थिति बलियो बनाएको संकेत गरेको छ।