त्रिभुवन विश्वविद्यालय स्ववियु चुनाव अन्तर्गत नलगाड नगरपालिका बहुमुखी क्याम्पस, दल्लीमा नेपाल विद्यार्थी संघ (ने वि स ) को गठबन्धनले जित हासिल गरेको छ। २०८१ सालको चैत्र ५ गते भएको स्ववियु चुनावमा, ने वि स गठबन्धनका उम्मेदवार बिशाल बिक्रम चनारा ५१ मत प्राप्त गरी अध्यक्ष पदमा विजयी भएका छन्।

अखिल क्रान्तिकारीका उम्मेदवार नन्दलाल रावलले ४१ मत प्राप्त गरे। सचिव पदमा, ने वि स गठबन्धनका उम्मेदवार अनेरास्ववियु टिकाराम चनारा ५४ मत प्राप्त गरी विजयी भए, जबकि क्रान्तिकारी उम्मेदवार जुनमाया परीयारले ३७ मत प्राप्त गरिन्।

कोषाध्यक्ष पदमा, गठबन्धन उम्मेदवार सपना वि क ५३ मत प्राप्त गरी विजयी भइन्। प्रतिपक्षका उम्मेदवार बिष्णु पुनले ३७ मत प्राप्त गरे।

त्यस्तै, सदस्य पदमा गठबन्धन प्यानलका उम्मेदवारहरू बालकृष्ण बुढा र पवित्रा थापाले क्रमशः ५८ र ५३ मत प्राप्त गरेर विजय हासिल गरेका हुन्।