शुक्रबार साँझ जाजरकोट केन्द्रबिन्दु भएर ५,२ म्याग्निच्युडको भूकम्प गएको छ। राष्ट्रिय भूकम्प मापन केन्द्रका अनुसार भूकम्प साँझ ८ बजेर ७ मिनेटमा गएको हो। केन्द्रले दिएको जानकारीअनुसार भूकम्पको केन्द्रबिन्दु पैंक क्षेत्र आसपास रहेको थियो।

यस भूकम्पको धक्का आसपासका जिल्लाहरूमा पनि महसुस गरिएको छ। हालसम्म कुनै मानवीय वा भौतिक क्षतिको विवरण प्राप्त नभएको राष्ट्रिय भूकम्प मापन केन्द्रले जनाएको छ।
स्थानीय बासिन्दाहरूका अनुसार भूकम्पको झट्का केही सेकेन्डसम्म महसुस गरिएको थियो, जसले गर्दा केही मानिस घरबाहिर निस्कन बाध्य भएका थिए।

विस्तृत जानकारी आउन बाँकी रहेकोले स्थानीय प्रशासनले सतर्कता अपनाउन आग्रह गरेको छ।