सुर्खेतमा स्कुल बसको ठक्करबाट ६ वर्षीया बालिकाको मृत्यु

सुर्खेत, — सुर्खेतको वीरेन्द्रनगरमा स्कुल बसको ठक्करबाट एक ६ वर्षीया बालिकाको निधन भएको छ। मृत्यु हुनेमा वीरेन्द्रनगर–१ देउतीथान निवासी समीक्षा सुनार रहेकी छिन्।

प्रहरीका अनुसार, समीक्षा सुनारलाई शुक्रबार बिहान वीरेन्द्रनगर नगरपालिका–१ स्थित सनसाइन एकेडेमी स्कुलको बसले ठक्कर दिएको थियो। ठक्करको कारण समीक्षा सुनारको घटनास्थलमै मृत्यु भएको जिल्ला प्रहरी कार्यालय सुर्खेतका प्रहरी उपरीक्षक (एसपी) रुपेश खड्काले जानकारी दिए।

प्रहरीले घटनाको थप अनुसन्धान भइरहेको बताएको छ।