सुर्खेत । सुर्खेतको वीरेन्द्रनगरमा दिउँसै सुन चोरी भएको छ । भैरवस्थान पिपल चौतारा टोलमा बस्ने शंकरप्रसाद रिजालको घरमा बिहीवार दिउँसो चोरी भएको हाे  ।

चोरी भएको सुन करीव १२ तोला रहेको छ । आफु घरभन्दा बाहिर भएको र घरमा कोही नभएको मौका पारेर चोरहरुले घरका ढोका तोडफोड गरी दिउँसो सुन चोरी गरेको रिजालले बताए ।

उनका अनुसार रानीहार १, मिनिहार १, बाला २, औठी २, मागटिका १, चन्द्रमा १, झुम्का २ र पाउजु १ जोर गरी करिब १२ लाख बराबरका गरगहना चोरी भएका छन् । रिजालले गरगहना चोरी भएको बारे सुर्खेत प्रहरीलाई जानकारी दिएका छन् ।