सुर्खेत, कात्तिक ३० – नेपाल आयल निगमले डिजेल र मट्टितेलको मूल्य वृद्धि गरेको छ। निगमका अनुसार यी इन्धनका मूल्यमा प्रति लिटर ३ रुपैयाँ वृद्धि गरिएको छ।

नयाँ मूल्यअनुसार काठमाडौं र पोखरामा डिजेल र मट्टितेलको मूल्य १५३ रुपैयाँ प्रतिलिटर पर्नेछ। दाङ र सुर्खेतमा यसको मूल्य १५२ रुपैयाँ रहनेछ भने बाँकी क्षेत्रमा १५०।५० रुपैयाँ निर्धारण गरिएको छ।

निगमले पेट्रोलको मूल्य केही वृद्धि भएर आए पनि हाललाई यथावत राख्ने निर्णय गरेको छ। ग्यास र हवाई इन्धनको मूल्यमा भने कुनै परिवर्तन भएको छैन।

बढेको मूल्य आज राति १२ बजेबाट लागू हुने निगमले जानकारी दिएको छ।