रुकुम पश्चिमको आठविसकोट नगरपालिका–११ रिठामा शनिबार दिउँसो बस दुर्घटना हुँदा घाइते हुनेको संख्या ९ पुगेको छ। काठमाडौंबाट राडीतर्फ गइरहेको प्रदेश ३–०१ ००५ ख ९९६६ नम्बरको बस भेरी करिडोरस्थित रिठा नजिक अनियन्त्रित भई सडकबाट करिब ५० मिटर तल खसेको जिल्ला प्रहरी कार्यालय रुकुम पश्चिमले जानकारी दिएको छ।

घाइते हुनेहरूमा धादिङ खाग्री गाउँपालिका–१ का ३१ वर्षीय चालक खड़कबहादुर तामाङ, सोही गाउँपालिका–६ का २८ वर्षीय भीमबहादुर भुलन, रुकुम पश्चिमको आठविसकोट नगरपालिका–९ का ३१ वर्षीय प्रकाश गौतम, दोलखा भीमेश्वर नगरपालिका–७ का २६ वर्षीय प्रकाश मगराठी रहेका छन्।

त्यस्तै, रुकुम पश्चिमकै आठविसकोट नगरपालिका–११ का १७ वर्षीय गणेश रसाइली, जाजरकोट नलगाड नगरपालिका–८ की ४५ वर्षीय भीमकुमारी चदारा र उहाँका १० वर्षीय छोरा मानबहादुर चदारा, मोरङ खेरुवा नगरपालिका–५ का २८ वर्षीय आकाश काफ्ले र जाजरकोट नलगाड नगरपालिका–१२ की २५ वर्षीय किसङकुमारी विक पनि घाइते भएका छन्।

प्रहरी निरीक्षक ऋषि पाठकका अनुसार घाइते सबैको अवस्था सामान्य छ। उनीहरूको अहिले नगर अस्पताल राडीमा उपचार भइरहेको छ। दुर्घटनाको कारण बस अनियन्त्रित हुनु रहेको प्रारम्भिक अनुसन्धानबाट खुलेको छ।