सुर्खेत, मंसिर २ – यही मंसिर १६ गते हुने स्थानीय तह उपनिर्वाचनका लागि आज उम्मेदवारहरूको मनोनयन दर्ता प्रक्रिया सुरु हुँदैछ। निर्वाचन आयोगले दिएको जानकारीअनुसार, मनोनयन दर्ताको समय बिहान १० बजेदेखि बेलुका ५ बजेसम्म तोकिएको छ।

उम्मेदवारको विरोधमा उजुरी दिने समय भोली ३ गतेसम्म राखिएको छ। उजुरी उपर छानबिन गरी निर्णय मंसिर ४ गते बेलुकासम्म गरिने आयोगले जनाएको छ।

मंसिर ५ गते दिउँसो १ बजेसम्म उम्मेदवारहरूले आफ्नो नाम फिर्ता लिन सक्नेछन्। त्यसपछि सोही दिन उम्मेदवारहरूको अन्तिम नामावली प्रकाशित गरी निर्वाचन चिह्न प्रदान गरिनेछ।

निर्वाचन मंसिर १६ गते बिहान ७ बजेदेखि बेलुका ५ बजेसम्म हुनेछ। आयोगले सबैलाई निर्वाचन प्रक्रिया सफल बनाउन सहयोग गर्न आग्रह गरेको छ।