सुर्खेत – भक्तपुरको गठ्ठाघर चोकमा आज बिहान ट्रकले स्कुटरलाई ठक्कर दिँदा एक जनाको मृत्यु भएको छ भने अर्का एक जना घाइते भएका छन्।

ना ८ ख २३११ नम्बरको १२ चक्के ट्रकले बिहान ७ बजे भक्तपुरबाट काठमाडौं जाँदै गर्दा बा.प्र. ०२–०३८ प ४४०१ नम्बरको स्कुटरलाई ठक्कर दिएको थियो। उक्त दुर्घटनामा स्कुटरमा सवार ४१ वर्षीया नवीना देउलाको उपचारको क्रममा भक्तपुर इन्टरनेशनल अस्पतालमा पौने ८ बजे मृत्यु भएको जिल्ला प्रहरी परिसर भक्तपुरले जनाएको छ।

घटनामा मृतक नवीनाका श्रीमान् जिते देउला घाइते भएका छन्। हाल उनको उपचार नागरिक अस्पतालमा भइरहेको छ।

दुर्घटनापछि ट्रक चालकलाई प्रहरीले नियन्त्रणमा लिएको छ र घटनाबारे थप अनुसन्धान भइरहेको बताइएको छ।