जाजरकोट, नलगाड नगरपालिका वडा नं. ५ स्थित रघुनाथमा बस्ने लीला बोहरा बुढाथोकी भिरबाट लडेर गम्भीर घाइते भएपछि उपचारका लागि ठूलो आर्थिक सहयोग आवश्यक परेको छ। उहाँको स्वास्थ्य स्थिति निकै गम्भीर भएकाले तत्कालै उपचारका लागि आवश्यक रकम जुटाउन स्थानीयस्तरमा पहल गरिएको छ।

युवा समाजसेवी रबिन्द्र खड्काले सामाजिक सञ्जालमार्फत आर्थिक सहयोगको अपिल गर्दै अहिलेसम्म ३८,७८८ रुपैयाँ संकलन गरी विरामीको खातामा जम्मा गरिएको जानकारी दिए। उनले अपिल गर्दै भने, “यो कठिन घडीमा सानो सहयोगले ठूलो परिवर्तन ल्याउन सक्छ। सबैले सकेको योगदान गर्न अनुरोध छ।”

लीलाको उपचारका लागि अझै ठूलो रकम आवश्यक रहेकोले स्थानीय र देशभरका दाताहरूसँग सहयोगको अपेक्षा गरिएको छ। इच्छुक व्यक्तिहरूले थप जानकारीका लागि रबिन्द्र खड्कासँग सम्पर्क गर्न सक्ने व्यवस्था गरिएको छ।

सामाजिक एकताको भावना र सहकार्यले संकटको सामना गर्न सकिने विश्वास लिंदै, धेरैले यो अभियानमा हातेमालो गरेका छन्।