सुर्खेत -मध्यपश्चिम विश्वविद्यालयको ग्य्राजुएट स्कुल अफ ह्युमानिटिज एण्ड सोसल साइन्सले विद्यार्थीहरूको मागलाई ध्यानमा राख्दै आन्तरिक परीक्षा
पछाडि सार्ने निर्णय गरेको हो।

विश्वविद्यालयले विभिन्न अनलाइन मिडिया र सामाजिक सञ्जालमा आएका समाचारलाई गम्भीरता पूर्वक लिई यस विषयमा ध्यानाकर्षण भएको जनाएको छ ।
ग्य्राजुएट स्कुल अफ ह्युमानिटिज एण्ड सोसल साइन्सका प्रशासन अधिकृत वसन्ता योगीद्वारा हस्ताक्षरित ध्यानाकर्षण पत्रमा उल्लेख गरिए अनुसार यो परीक्षा कुनै बोर्ड परीक्षा वा सत्रान्त परीक्षा नभई विभागले लिने आन्तरिक परीक्षा मात्र हो।

विद्यार्थीको हक र हितलाई प्राथमिकता दिँदै विश्वविद्यालयले निर्वाचन समितिको आग्रह अनुसार यो परीक्षा पछाडि सार्ने निर्णय गरेको पत्रमा उल्लेख छ ।

ध्यानाकर्षण पत्र हेर्नुहोस्