सुर्खेत , नेपाल पत्रकार महासङ्घ सुर्खेत शाखाको सूचना अधिकारीको जिम्मेवारी सुशील खड्कालाई दिइएको छ। बुधवार शाखाका अध्यक्ष सुशील राज शर्माको अध्यक्षतामा बसेको पाँचौँ कार्यसमिति बैठकले खड्कालाई सूचना अधिकारी बनाउने निर्णय गरेको हो।

पत्रकार महासङ्घ केन्द्रको सर्कुलर अनुसार खड्कालाई सूचना अधिकारी तोकिएको महासङ्घको निर्णयमा उल्लेख छ। महासङ्घका हरेक गतिविधिलाई सार्वजनिक गर्ने जिम्मेवारी दिन खड्कालाई सूचना अधिकारी तोकिएको अध्यक्ष शर्माले जानकारी दिएका छन्।

सुशील खड्का हाल नेपाल पत्रकार महासङ्घ सुर्खेतका उपाध्यक्षसमेत रहेका छन्। सूचना अधिकारीका रूपमा उनले महासङ्घका गतिविधिहरू पारदर्शी रूपमा सञ्चार माध्यममार्फत सम्प्रेषण गर्ने जिम्मेवारी पाएका छन्।