जाजरकोट जिल्लाको नलगाड नगरपालिका–३ बाँसकोटीमा बोलेरो जीप दुर्घटना भएको छ। कालिमाटी कैना हुँदै कट्केतर्फ गइरहेको उक्त जीप राति करिब ९:३० बजे दुर्घटनामा परेको हो।
जीप सडकबाट झन्डै ३ सय मिटर तल बिरा खोलामा खसेको छ। दुर्घटनामा ४ जनाभन्दा बढीले ज्यान गुमाएको प्रारम्भिक जानकारी प्राप्त भएको छ। घटनास्थलमा प्रहरी र स्थानीयवासीले उद्धार कार्य जारी राखेका छन्।
दुर्घटनाको थप विवरण र मृतकहरूको पहिचान आउन बाँकी रहेको प्रहरीले जनाएको छ। दुर्घटनाको कारणबारे अनुसन्धान भइरहेको छ।
बाँकी विवरण आउँदैछ।
प्रतिक्रिया दिनुहोस्