नेपाल प्रहरी प्रधान कार्यालय, प्रहरी महानिरीक्षकको सचिवालयको तर्फबाट सुर्खेत जिल्ला प्रहरी कार्यालयका प्रमुख प्रहरी उपरीक्षक रुपेश खड्कालाई उत्कृष्ट कार्य प्रदर्शनको लागि पुरस्कृत गरिएको छ।

प्रहरी महानिरीक्षकको सचिवालयको पत्र क्रमांक १४८७, मिति २०८१ साल मंसिर ३ गते अनुसार उनी विभागीय नीति तथा निर्देशनका आधारमा सुम्पिएको जिम्मेवारी कुशलतापूर्वक, प्रशंसनीय ढंगले तथा कर्तव्यनिष्ठा र अनुशासित भई सन्तोषजनक रूपमा पूरा गरेकोमा उनलाई यो सम्मान प्रदान गरिएको हो।

यस अवसरमा प्रहरी प्रधान कार्यालयले कर्मचारीहरूको उत्कृष्ट कार्य प्रदर्शनलाई मूल्याङ्कन गर्दै उनीहरूलाई प्रोत्साहित गर्ने अभ्यासलाई अगाडि बढाउने बताएको छ। प्रहरी उपरीक्षक खड्काको यो पुरस्कारले सुर्खेत जिल्ला प्रहरी कार्यालयलाई गौरवान्वित बनाएको छ भने अन्य कर्मचारीहरूलाई पनि थप प्रेरणा दिएको छ।

प्रहरी उपरीक्षक रुपेश खड्काले आफ्नो पुरस्कारको लागि प्रहरी प्रधान कार्यालय, सहकर्मीहरू र जिल्ला प्रशासनलाई आभार व्यक्त गर्दै यो सम्मानले उनलाई अझ बढी कर्तव्यनिष्ठ भई काम गर्न प्रेरित गरेको बताएका छन्।

पत्र हेर्नुहोस